42 500 teńge alý úshin bankter arnaiy esepshot ashýdy talap ete almaidy. Bul týraly Ortalyq kommýnikatsiialar qyzmetinde ótken onlain brifingte aityldy, dep habarlaidy QazAqparat
«Bankter 42 500 teńge alý úshin arnaiy esepshot ashýdy talap etip jatqany týraly suraq qoiyldy. Bul – durys emes. Bul týraly qarjylyq naryqty retteitin agenttik barlyq bankterge nusqaýlyq berip, talap qoidy. 42 500 teńge alý úshin arnaiy esepshot ashýdyń qajeti joq, aqsha kez kelgen kartochkalyq esepshotyńyzǵa aýdarylady jáne túsken aqshadan qaryzdy óteýge, nesie jabýǵa aqsha ustalmaidy. Olai etýge bankterdiń quqyǵy joq», - deidi QR Eńbek jáne halyqty áleýmettik qorǵaý ministri Birjan Nurymbetov.
Ol jeke kásipker jaldamaly jumysshylary bolmasa, ózi úshin ótinish bere alatynyn aitty.
«Jeke kásipker ózi úshin de 42 500 teńge alýǵa ótinish bere alady. Mysaly, JShS-nyń basshysy - sol uiymnyń qyzmetkeri. Sondyqtan ol zańdy tulǵa retinde ótinish bere almaǵanymen, JShS jumysshysy retinde ótinish bere alady», - deidi ol.
