42 500 teńge áleýmettik tólemi osyǵan deiingi tótenshe jaǵdaida kezindegi qaǵidattarmen tólenedi, - dep habarlaidy «Ult aqparat».
Bul týraly QR Eńbek jáne halyqty áleýmettik qorǵaý ministri Birjan Nurymbetov aitty.
«Osy joly tólem kimge tólenedi, muqtaj adamdar kim?» degen suraqtar kóp qoiylyp jatyr. Bul jolǵy 42 500 teńge áleýmettik tólemi ótkende tótenshe jaǵdaidaǵy qaǵidattarmen tólenedi. Iaǵni, jumys istep júrip óziniń tabysynan, alyp júrgen jalaqysynan aiyrylǵan azamattarǵa beriledi. Olar: jaldamaly qyzmetkerler, jeke kásipkerler jáne ózin-ózi jumyspen qamtyǵan azamattar. Tólem bir aiǵa qarastyrylyp otyr»,- dedi ministr Ortalyq kommýnikatsiialar qyzmetindegi brifing barysynda.
