Qaraǵandy oblysynda mefedron óndiretin iri esirtki zerthanasynyń jumysy toqtatyldy. Politsiia transulttyq qylmystyq toptyń eki múshesin ustady, dep habarlaidy ult.kz.
Tergeý nusqasyna sáikes, 48 jastaǵy kúdikti toptyń uiymdastyrý máselelerine jaýap berse, 28 jastaǵy azamat zerthananyń jumysyn úilestirip, jańa qatysýshylardy daiyndaǵan.
Tintý kezinde 50 tonnalyq ónerkásiptik tsisterna, eki iri ydys, kanistrler men untaq tárizdi zattar salynǵan 10 qap tárkilendi. Tsisternadan alynǵan synamadan 1 keli 723 gramm mefedron anyqtalǵan.
Aldyn ala esep boiynsha, zerthanada daiyn ónimniń kólemi 2 tonnaǵa deiin, iaǵni shamamen 2 mln bir rettik dozaǵa jetýi múmkin. Onyń qara naryqtaǵy boljamdy quny 40 mlrd teńgege deiin baǵalanyp otyr.
Eki kúdikti de qamaýǵa alyndy. Qazir shikizattyń jetkizilý arnalary men qylmystyq toptyń ózge de qatysýshylary anyqtalyp jatyr.
