«QTJ» UK» AQ-nyń burynǵy sheneýnigine taǵaiyndalǵan aiyppuldyń ornyna 7 jyl bas bostandyǵynan aiyrýǵa aýystyryldy. Bul týraly "Ult aqparat" Bas kólik prokýatýrasyna silteme jasap habarlaidy.
Aqmola kólik prokýratýrasymen Nur-Sultan qalasy temirjol uiymynyń burynǵy basshysyna qatysty úkimdi oryndaý boiynsha qujattar zerdelendi.
2018 jyly materialdyq jaǵdaiyn jaqsartý maqsatynda laýazymdyq ókilettigin teris paidalanǵany (QK 361-baby 1-bóligi) jáne birneshe ret jeke ózi jáne deldal arqyly qorqytyp alý jolymen para alǵany (QK 366-baby 3-bóligi 1,2-tarmaqtary) úshin oǵan 40 mln teńge kóleminde qylmystyq aiyppul taǵaiyndalǵan.
2019 jyldyń qańtar aiynda Nur-Sultan qalasy Saryarqa aýdanynyń №2 sotymen sottalǵannyń ótinishi boiynsha úkimniń oryndalýy 1 jylǵa keiinge shegerilgen.
Sotpen keiinge shegerilgen merzim ótkenimen (28.12.2019 jyl), sottalýshy aiyppuldy tolyq tólei almaǵan (6,8 mln teńge kóleminde ishinara tólem júrgizildi).
Kólik prokýrorynyń aralasýymen ǵana aýdandyq sottyń 03.03.2020 jylǵy qaýlysymen sottalýshyǵa qylmystyq aiyppul bas bostandyǵynan 7 jylǵa aiyrý jazasyna aýystyryldy.
13.05.2020 jyly atalǵan sot sheshimine berilgen shaǵym qanaǵattandyrýsyz qaldyryldy.
Búgingi tańda sot aktisi kúshine endi.
