Búgingi kúnge deiin 40 qazaqstandyq sodyr men olardyń 65 áieli shet eldiń birqatar terroristik uiymdarynda júr, dep habarlaidy "Ult aqparat" UQK baspasóz qyzmetine silteme jasap.
Qazaqstan úshin potentsialdy terroristik qaýip-qater saqtalýda.
Elimizde terroristik qyzmetke qatysy bolǵany úshin izdeýde júrgen 31 sheteldik azamattary ustaldy jáne belgilengen tártipte basqa memleketterge berildi.
Búgingi kúnge deiin 40 qazaqstandyq sodyr, olardyń 65 áieli men basqa da otbasy músheleri shet eldiń birqatar terroristik uiymda júr.
3 terroristik aktini jasaýǵa umtylystarynyń bastapqy kezeńinde joly kesildi. Terroristik akti Almaty jáne Qaraǵandy oblystarynyń radikaldyq tulǵalarymen daiyndaldy. Terroristik aktini daiyndaýǵa qatysy bar tulǵalar 6 jyldan 18 jylǵa deiingi merzimge bas bostandyqtarynan aiyryldy.
Elimizdiń ár túrli aimaqtarynda 7 radikaldyq toptyń jáne 34 jeke tulǵalardyń qylmystyq áreketteri beitaraptandyryldy.
Terrorizm jáne dini ekstremizmmen bailanysty qylmystary úshin barlyǵy 140 adam sottaldy.
Quqyqqa qaishy keletin áreketke jol bermeýge qatysty qylmystyq is júrgizý sharalary tek qana senimin ózgertýge berilmegen tulǵalarǵa ǵana qatysty qoldanylady.
Internettiń veb-resýrsynda 14,5 myńnan astam terroristik kontent siltemeleri aiqyndaldy. Olardy joiý boiynsha jumystar júrgizilýde.
Aita ketsek, terroristik aktilerdi aldyn alý maqsatynda jyl saiyn terrorizmge qarsy kúres jónindegi jedel shtabatarymen 400-den asa oqý-jattyǵý is-shara ótedi.
