Aqtaýda elektr jelisindegi apat saldarynan qalanyń bir bóligi jaryqsyz qaldy, dep habarlaidy ult.kz.
«AÝES» MKK málimetinshe, elektr qýatynyń óshýi saldarynan 14, 15, 16, 28, 29, 30-shaǵynaýdandar men «Tolqyn-1» shaǵynaýdanynyń turǵyndary ýaqytsha jaryqsyz qalǵan.
Qazirgi ýaqytta apattyq brigadalar zaqymdanǵan ýchaskelerde jóndeý jumystaryn júrgizip, elektrmen jabdyqtaýdy qalpyna keltirý baǵytynda jumys istep jatyr.
Bul – elimizdiń batys óńirinde sońǵy kúnderi tirkelgen alǵashqy jaǵdai emes. 28 shildede Atyraý qalasynyń bir bóliginde de elektr energiiasy ýaqytsha óshken bolatyn. Ol kezde Mańǵystaý oblysy baǵytyna elektr qýatynyń shamadan tys aǵýyna bailanysty qorǵanys avtomatikasy iske qosylǵan.
Mamandardyń aitýynsha, elektr jelilerine túsetin júktemeniń kúrt artýyna óńirde aýa temperatýrasynyń 40 gradýstan joǵary kóterilýi sebep bolǵan.
