اقتاۋدا ەلەكتر جەلٸسٸندەگٸ اپات سالدارىنان قالانىڭ بٸر بٶلٸگٸ جارىقسىز قالدى, دەپ حابارلايدى ult.kz.
«اۋەس» مكك مەلٸمەتٸنشە, ەلەكتر قۋاتىنىڭ ٶشۋٸ سالدارىنان 14, 15, 16, 28, 29, 30-شاعىناۋداندار مەن «تولقىن-1» شاعىناۋدانىنىڭ تۇرعىندارى ۋاقىتشا جارىقسىز قالعان.
قازٸرگٸ ۋاقىتتا اپاتتىق بريگادالار زاقىمدانعان ۋچاسكەلەردە جٶندەۋ جۇمىستارىن جٷرگٸزٸپ, ەلەكترمەن جابدىقتاۋدى قالپىنا كەلتٸرۋ باعىتىندا جۇمىس ٸستەپ جاتىر.
بۇل – ەلٸمٸزدٸڭ باتىس ٶڭٸرٸندە سوڭعى كٷندەرٸ تٸركەلگەن العاشقى جاعداي ەمەس. 28 شٸلدەدە اتىراۋ قالاسىنىڭ بٸر بٶلٸگٸندە دە ەلەكتر ەنەرگيياسى ۋاقىتشا ٶشكەن بولاتىن. ول كەزدە ماڭعىستاۋ وبلىسى باعىتىنا ەلەكتر قۋاتىنىڭ شامادان تىس اعۋىنا بايلانىستى قورعانىس اۆتوماتيكاسى ٸسكە قوسىلعان.
مامانداردىڭ ايتۋىنشا, ەلەكتر جەلٸلەرٸنە تٷسەتٸن جٷكتەمەنٸڭ كٷرت ارتۋىنا ٶڭٸردە اۋا تەمپەراتۋراسىنىڭ 40 گرادۋستان جوعارى كٶتەرٸلۋٸ سەبەپ بولعان.
