Foto: Olympic.kz
Dziýdodan Qytaidyń Ordos qalasynda ótip jatqan Aziia chempionatynda qazaqstandyq sportshy Ádilet Almat altyn medal jeńip aldy, dep habarlaidy Ult.kz.
81 keli salmaq dárejesinde óner kórsetken otandasymyz finalda Parij Olimpiadasynyń qola júldegeri, tájikstandyq Somon Mahmadbekovpen beldesti. Tartysty ótken kezdesýde Ádilet Almat qarsylasyn aýyrtý ádisimen jeńip, qurlyq chempiony atandy.
Osylaisha, Qazaqstan quramasy dziýdodan Aziia chempionatyndaǵy altyn júldeni 4 jyldan keiin qaita ielendi. Buǵan deiin 2022 jyly Astanada ótken dodada Daniiar Shamshaev top jarǵan bolatyn.
Aita keteiik, bul – Ádilet Almattyń eresekter arasyndaǵy Aziia chempionatyndaǵy alǵashqy júldesi. Ol buǵan deiin 2023 jyly jastar arasynda Aziia chempiony atanǵan.
Jarys barysynda qazaqstandyq sportshy birneshe myqty qarsylasty jeńip shyqty. Atap aitqanda, 1/8 finalda qyrǵyzstandyq Shyńǵyshan Saǵynalievti, shirek finalda otandasy Abylaihan Jubanazardy, al jartylai finalda tájikstandyq Behrýzi Hojazodany utty.
