فوتو: Olympic.kz
دزيۋدودان قىتايدىڭ وردوس قالاسىندا ٶتٸپ جاتقان ازييا چەمپيوناتىندا قازاقستاندىق سپورتشى ەدٸلەت المات التىن مەدال جەڭٸپ الدى, دەپ حابارلايدى Ult.kz.
81 كەلٸ سالماق دەرەجەسٸندە ٶنەر كٶرسەتكەن وتانداسىمىز فينالدا پاريج وليمپياداسىنىڭ قولا جٷلدەگەرٸ, تەجٸكستاندىق سومون ماحمادبەكوۆپەن بەلدەستٸ. تارتىستى ٶتكەن كەزدەسۋدە ەدٸلەت المات قارسىلاسىن اۋىرتۋ ەدٸسٸمەن جەڭٸپ, قۇرلىق چەمپيونى اتاندى.
وسىلايشا, قازاقستان قۇراماسى دزيۋدودان ازييا چەمپيوناتىنداعى التىن جٷلدەنٸ 4 جىلدان كەيٸن قايتا يەلەندٸ. بۇعان دەيٸن 2022 جىلى استانادا ٶتكەن دودادا دانييار شامشاەۆ توپ جارعان بولاتىن.
ايتا كەتەيٸك, بۇل – ەدٸلەت الماتتىڭ ەرەسەكتەر اراسىنداعى ازييا چەمپيوناتىنداعى العاشقى جٷلدەسٸ. ول بۇعان دەيٸن 2023 جىلى جاستار اراسىندا ازييا چەمپيونى اتانعان.
جارىس بارىسىندا قازاقستاندىق سپورتشى بٸرنەشە مىقتى قارسىلاستى جەڭٸپ شىقتى. اتاپ ايتقاندا, 1/8 فينالدا قىرعىزستاندىق شىڭعىسحان ساعىناليەۆتٸ, شيرەك فينالدا وتانداسى ابىلايحان جۇبانازاردى, ال جارتىلاي فينالدا تەجٸكستاندىق بەحرۋزي حوجازودانى ۇتتى.
