Indýstriia jáne infraqurylymdyq damý ministri Qaiyrbek Óskenbaev jańa avtokredit baǵdarlamasy boiynsha 15 millionnyń kóligin alýǵa bolatynyn aitty, dep habarlaidy Sputnik Qazaqstan.
Ortalyq kommýnikatsiialar qyzmetinde ótken brifingte jýrnalister jeńildetilgen avtokredit baǵdarlamasynyń shekti somasy týraly surady.
"Mysaly, maǵan 10 million teńgeniń kóligi unamai qaldy. Ondai jaǵdaida 15 million teńgege alýǵa múmkindik bola ma? 10 milliondy kreditke, al qalǵan 5 milliondy ózim tólesem?", - dedi tilshiler.
Ministr jeńildetilgen avtokredittiń shekti somasy 10 million bolsa da, odan qymbat kólik alýǵa bolatynyn jetkizdi.
"5 milliondy nemese basqa bir somany ózińiz tólei salasyz, boldy", - dedi Óskenbaev.
Al vitse-ministr Marat Qarabaevtyń aitýynsha, kreditti rásimdegennen keiin qajetti kólik bolmai qalsa, kútýge týra keledi.
"Pandemiia kezinde kezektegi adamdardyń sany kóbeidi. Sebebi 6-8 aiǵa deiin kútýge týra keldi. Qazir osy merzim aitarlyqtai qysqaryp, 3-5 aiǵa deiin tústi. Sosyn model, komplektatsiia men kóliktiń túsi bar. Soǵan qarai bir model tańdasańyz, kútýge týra keledi", - deidi Qarabaev.
