يندۋسترييا جەنە ينفراقۇرىلىمدىق دامۋ مينيسترٸ قايىربەك ٶسكەنباەۆ جاڭا اۆتوكرەديت باعدارلاماسى بويىنشا 15 ميلليوننىڭ كٶلٸگٸن الۋعا بولاتىنىن ايتتى, دەپ حابارلايدى Sputnik قازاقستان.
ورتالىق كوممۋنيكاتسييالار قىزمەتٸندە ٶتكەن بريفينگتە جۋرناليستەر جەڭٸلدەتٸلگەن اۆتوكرەديت باعدارلاماسىنىڭ شەكتٸ سوماسى تۋرالى سۇرادى.
"مىسالى, ماعان 10 ميلليون تەڭگەنٸڭ كٶلٸگٸ ۇناماي قالدى. ونداي جاعدايدا 15 ميلليون تەڭگەگە الۋعا مٷمكٸندٸك بولا ما? 10 ميلليوندى كرەديتكە, ال قالعان 5 ميلليوندى ٶزٸم تٶلەسەم?", - دەدٸ تٸلشٸلەر.
مينيستر جەڭٸلدەتٸلگەن اۆتوكرەديتتٸڭ شەكتٸ سوماسى 10 ميلليون بولسا دا, ودان قىمبات كٶلٸك الۋعا بولاتىنىن جەتكٸزدٸ.
"5 ميلليوندى نەمەسە باسقا بٸر سومانى ٶزٸڭٸز تٶلەي سالاسىز, بولدى", - دەدٸ ٶسكەنباەۆ.
ال ۆيتسە-مينيستر مارات قاراباەۆتىڭ ايتۋىنشا, كرەديتتٸ رەسٸمدەگەننەن كەيٸن قاجەتتٸ كٶلٸك بولماي قالسا, كٷتۋگە تۋرا كەلەدٸ.
"پاندەمييا كەزٸندە كەزەكتەگٸ ادامداردىڭ سانى كٶبەيدٸ. سەبەبٸ 6-8 ايعا دەيٸن كٷتۋگە تۋرا كەلدٸ. قازٸر وسى مەرزٸم ايتارلىقتاي قىسقارىپ, 3-5 ايعا دەيٸن تٷستٸ. سوسىن مودەل, كومپلەكتاتسييا مەن كٶلٸكتٸڭ تٷسٸ بار. سوعان قاراي بٸر مودەل تاڭداساڭىز, كٷتۋگە تۋرا كەلەدٸ", - دەيدٸ قاراباەۆ.
