Qazaqstan Respýblikasy Úkimetiniń janyndaǵy Respýblikalyq onomastikalyq komissiianyń otyrysy bolyp ótti, dep habarlaidy "Ult aqparat" QR Mádeniet jáne sport ministrliginiń baspasóz qyzmetine silteme jasap.
2019 jylǵy 20 naýryzda Qazaqstan Respýblikasy Úkimetiniń janyndaǵy Respýblikalyq onomastikalyq komissiianyń otyrysy bolyp ótti, onda birqatar jergilikti máslihattardyń oblystyq qalalardyń ortalyq kóshelerin qaita ataý týraly sheshimderi qaraldy.
Atap aitqanda, Komissiia birqatar oblys ortalyqtarynyń kóshelerin QR Tuńǵysh Prezidenti – Elbasy N.Nazarbaevtyń qurmetine qaita ataý týraly sheshimderi qoldaý tapty.
Sonymen birge, Respýblikalyq onomastikalyq komissiia Atyraý, Aqtóbe, Qostanai, Jambyl oblystarynyń ákimshilik ortalyqtaryndaǵy qaita ataý úshin usynylǵan kósheler men ózge obektilerdi anyqtai otyryp, qaita qaraýdy usyndy.
Esterińizge sala keteiik, 20 naýryzda QR Prezidenti Q.K.Toqaev zamanymyzdyń uly tulǵasy jáne táýelsiz Qazaqstannyń negizin qalaýshy retinde Nursultan Nazarbaevtyń esimin Qazaqstannyń iri qalalarynyń ortalyq kóshelerin qaita ataý jolymen máńgilik este qaldyrýdy usynǵan bolatyn.
