Foto: QR OAM
Qazaqstanda ustazdardy qoldaý jáne kásibi sheberligin kótermeleý maqsatynda dástúrli «Úzdik pedagog» respýblikalyq baiqaýy bastaldy. Jeńimpazdarǵa 1000 ailyq eseptik kórsetkishke (shamamen 3,9 mln teńge) deiingi memlekettik syiaqy tabystalady, dep habarlaidy Ult.kz.
Baiqaýǵa mektepke deiingi, orta, tehnikalyq jáne kásiptik bilim berý uiymdarynda jumys isteitin, keminde 5 jyl úzdiksiz pedagogikalyq ótili bar muǵalimder qatysa alady.
Konkýrs úsh kezeńnen turady:
-
1-kezeń – aýdandyq, qalalyq deńgei (8–25 shilde);
-
2-kezeń – oblystyq deńgei (28 shilde – 15 tamyz);
-
3-kezeń – respýblikalyq deńgei (18 tamyz – 18 qyrkúiek).
Baiqaý barysynda muǵalimniń bilim berý salasyna qosqan úlesi, jumys nátijeliligi jáne kásibi sheberligi baǵalanady. Eki kezeńniń qorytyndysy boiynsha joǵary ball jinaǵan pedagogter respýblikalyq kezeńge joldama alady.
Qatysýǵa ótinimder men qujattardy qabyldaý uzdikustaz-nobd.edu.kz veb-portaly arqyly júzege asyrylady.
Aita keteiik, «Úzdik pedagog» baiqaýy 2012 jyldan beri ótkizilip keledi. Osy ýaqytqa deiin 700-ge jýyq ustaz bul qurmetti ataqqa ie boldy.
Qosymsha aqparat QR Oqý-aǵartý ministrliginiń resmi saitynda qoljetimdi.
