Pavlodar oblysynyń mamandandyrylǵan aýdanaralyq ákimshilik sotynda balasynyń "4" alǵanyna narazylyq bildirgen áieldiń shaǵymy qaraldy, dep habarlaidy Ulysmedia.kz Pavlodar oblysynyń MAÁS resmi saityna silteme jasap.
Mektep oqýshysynyń anasy sotta bir pánniń baǵasyn qaita qaraýdan bas tartý týraly sheshimge qarsy shyqqan. Nátijesinde, sotta oqýshynyń jartyjyldyq qorytyndy baǵasy boiynsha tórttik baǵa negizsiz qoiylǵany anyqtalǵan. Sondai-aq, 1 jyl ishinde oqýshyǵa osyndai baǵa qoiylyp kelgen eken.
Sot iske Bilim jáne ǵylym ministrligi ókilin qatystyrǵan. Ministrlik ókili baǵalaý ortasha arifmetikalyq esep boiynsha qaita qaralýy qajet dep tapqan.
Sýdia taraptardy tatýlastyrǵan. Mektep komissiia otyrysynda oqýshynyń daýly baǵasy qaita qaraýǵa mindetteldi. Osylaisha, sot balanyń quqyqtary men múddesin qorǵady.
Sot isi eki tarap tatýlasqanyna bailanysty toqtatylǵan. Mediativ kelisimdi jaýapker qysqa merzimde oryndaǵan.
