Áleýmettik jelide Shymkentte politsiia bastyǵynyń ustalǵany týraly aqparat paida boldy. Ishki ister ministrliginiń baspasóz qyzmeti bul málimetke qatysty túsinikteme berdi, dep habarlaidy Zakon.kz.
Jelide taraǵan aqparatqa sáikes, politsiia departamentiniń Qarjylyq qamtamasyz etý basqarmasynyń bastyǵy, sondai-aq politsiia aǵa leitenanty asa iri mólsherde (370 mln teńge) aqsha urlady degen kúdikpen ustalǵan.
9 qyrkúiekte QR IIM baspasóz qyzmeti bul málimetti nazarǵa alyp, BAQ aldynda túsinikteme berdi.
"Atalǵan fakti boiynsha qylmystyq is qozǵaldy. Ishki ister ministriniń tapsyrmasy boiynsha Ózindik qaýipsizdik departamenti qyzmettik tekserýdi bastady, onyń qorytyndysy boiynsha qatań sharalar qabyldanyp, kináliler zańǵa sáikes jazalanady. IIM kez kelgen quqyq buzýshylyqqa tózbeýshilik ustanymyn ustanady", - delingen túsiniktemede.
4 qyrkúiekte para aldy degen kúdikpen Ulttyq ulan Bas qolbasshysynyń orynbasary ustalǵany belgili boldy.
