Foto: assembly.kz
Shardara aýdanynda bilim bólimi basshylary men býhgalterleri 12 adamnan turatyn uiymdasqan top quryp, 2020-2023 jyldar aralyǵynda jalǵan tulǵalarǵa jalaqy aýdarý arqyly 3,7 mlrd teńgeni jymqyrǵan dep aiyptalyp otyr. Qabyldanǵan sharalar nátijesinde 639,8 mln teńge memleketke qaitaryldy, al kúdiktilerdiń múlkine tyiym salyndy, bul týraly Ult.kz Sybailas jemqorlyqqa qarsy qyzmetke silteme jasap habarlaidy.
Qazirgi ýaqytta qylmystyq is sotqa deiingi tergeý aiaqtalyp, prokýratýraǵa jiberildi.
Sybailas jemqorlyqqa qarsy qyzmet bilim berý salasyndaǵy júieli jemqorlyq faktilerin anyqtaý men jolyn kesý jumysyn jalǵastyrýda. Osy baǵyttaǵy keshendi sharalardyń nátijesinde jyl basynan beri 297 qylmystyq is tirkelip, 406 adam zań buzýshylyqqa qatysy bar dep tanyldy.
Jemqorlyq táýekelderin azaitý maqsatynda barlyq óńirde biryńǵai býhgalterlik esep júiesi iske qosyldy. Bul júie jalaqy tólemderinde «joq adamdardy» anyqtaýǵa jáne alaiaqtyq áreketterdi ýaqtyly toqtatýǵa múmkindik beredi.
Ákimdikter endi bilim berý uiymdarynyń esep-qisaptaryn qazynashylyq eseptermen avtomatty túrde salystyrady. Kez kelgen sáikessizdikter eki deńgeili tekserýden ótedi.
2023 jyldyń tamyz aiynan bastap Ishki memlekettik aýdit komiteti men onyń aimaqtyq departamentteri jalaqynyń zańsyz aýdarylýyna qatysty tólemderdi kameraldyq baqylaýdan ótkizýde. Barlyq kúdikti operatsiialar Sybailas jemqorlyqqa qarsy qyzmetke, bilim basqarmasyna jáne aýdarym jasaǵan uiymdarǵa taldaý úshin jiberiledi.
