Almaty ákiminiń burynǵy orynbasary jáne OKQ burynǵy basshysy Erjan Babaqumarovtan "Sporttyq Almaty" baǵdarlamasyna bólingen 367,5 million teńgeni urlaý týraly is boiynsha aiyptalýshy retinde emes, kýá retinde jaýap alynǵan. Bul týraly Sybailas jemqorlyqqa qarsy qyzmettiń Almaty qalasy boiynsha departamentiniń ókilderi málimdedi, - dep habarlaidy Tengrinews.kz agenttigi.
Vedomstvonyń jaýabynda qalalyq Sport basqarmasynyń burynǵy basshysyna jáne basqa da tulǵalarǵa qatysty 367,5 million teńgeni jymqyrý deregi boiynsha tergeý aiaqtalǵany habarlandy.
Qazirgi ýaqytta qylmystyq protseske qatysýshylardy is materialdarymen tanystyrý júrgizilip jatyr.
"Almaty qalasy ákiminiń burynǵy orynbasary Erjan Babaqumarov osy qylmystyq is boiynsha kúdikti emes. Odan aqshalai qarajat bólý jáne "Sporttyq Almaty" keshendi qalalyq baǵdarlamasyn iske asyrý mán-jailary boiynsha kýáger retinde jaýap alyndy", - delingen habarlamada.
Ózge aqparat tergeý múddesine orai jariia etilmedi.
Eske salaiyq, buǵan deiin áleýmettik jelilerde Antikor Almaty ákiminiń burynǵy orynbasary ári Ortalyq kommýnikatsiialar qyzmetiniń eks-basshysy Erjan Babaqumarov Artsport baǵdarlamasyna bólingen 369 million teńgeni jymqyrý isine qatysy bar dep kúdikke ilingeni týraly habarlama taraǵan bolatyn.
