Batys Qazaqstan oblysynda erkin jaiylymdaǵy jylqylardy urlap, olardy elimizdiń ońtústik óńirlerine jóneltip otyrǵan kúdikti ustaldy. Politsiianyń málimetinshe, 48 jastaǵy er adam 36 jylqyny urlaýǵa qatysy bar. Maldyń jalpy quny 14 mln teńgeden asady, dep habarlaidy ult.kz.
Polisia.kz málimetinshe, kúdiktini BQO PD kriminaldyq politsiia basqarmasynyń qyzmetkerleri Qaratóbe jáne Syrym aýdandyq politsiia bólimderiniń politseilerimen birlesip júrgizgen jedel-izdestirý sharalary barysynda anyqtap, ustaǵan.
Tergeý málimetinshe, kúdikti qaraýsyz júrgen jylqylardy aidap áketip, óz aýlasyna qamap otyrǵan. Keiin maldy júk kólikterine tiep, Qazaqstannyń ońtústik óńirlerine jóneltken.
Politsiia qazirgi tańda onyń jalpy quny 14 mln teńgeden asatyn 36 jylqyny urlaýǵa qatysy baryn anyqtady. Kúdikti ýaqytsha ustaý izoliatoryna qamaldy.
Qoldanystaǵy zańnamaǵa sáikes, mal urlyǵy úshin kináli adamǵa 12 jylǵa deiin bas bostandyǵynan aiyrý jáne múlkin tárkileý jazasy qarastyrylǵan.
Politsiia mal ielerine jylqylardy qaraýsyz qaldyrmai, mindetti túrde tańbalaýǵa jáne GPS-treker ornatýǵa keńes beredi. Bul urlyqtyń aldyn alyp qana qoimai, joǵalǵan nemese qoldy bolǵan maldy tez anyqtaýǵa múmkindik beredi.
Aita keteiik, buǵan deiin Batys Qazaqstan oblysynda mal urlyǵyna qatysty birneshe qylmys ashylǵan bolatyn.
