Ótken jyly 36,4 myńnan astam qazaqstandyq Áleýmettik qyzmetter portalyn paidalandy. Bul týraly Eńbek jáne áleýmettik qorǵaý ministrligi habarlady.
2020 jyly Áleýmettik qyzmetter portaly (budan ári – portal) arqyly 16,8 myńnan astam múgedektigi bar adam ońaltýdyń tehnikalyq quraldaryna (budan ári – OTQ) jáne qyzmetterine tapsyrys berdi, 19,6 myń adam kepildik berilgen áleýmettik toptamalar (budan ári – áleýmettik toptama) alýdy resimdedi.
Portal múgedektigi bar adamdarǵa ońaltýdyń tehnikalyq quraldary men qyzmetterin óndirýshini jáne ónim berýshini óz betinshe tańdaýǵa múmkindik beredi. Kómek túrine tapsyrys berý kórsetiletin qyzmetti alýshynyń elektrondyq tsifrlyq qoltańbasymen rastaý arqyly júzege asyrylady. Tapsyrys berilgen OTQ-ny jetkizý nemese ózdiginen alyp ketý arqyly alýǵa bolady.
Múgedektigi bar adamdardy ońaltý quraldarymen qamtamasyz etý protezdik-ortopediialyq, sýrdotehnikalyq, tiflotehnikalyq jáne gigienalyq quraldardy, sondai-aq kreslo-arbalar berýdi qamtidy.
2020 jyly portal arqyly OTQ-nyń 24 túrin satyp alý múmkindigi berildi. Ony 16,3 myńnan astam adam paidalandy, olarǵa 28,8 myń ońaltýdyń tehnikalyq quraldary berildi.
Qazirgi ýaqytta tizbe OTQ-nyń 67 túrin qamtidy, ol odan ári keńeitiletin bolady.
«Portal iske qosylǵan kezde taýardy alý áldeqaida ońai jáne jyldam boldy, sonymen qatar biz ony jolda baqylai alamyz. Endi tapsyrys burynǵyǵa qaraǵanda tezirek keletinin atap ótkim keledi. Qazir jetkizý merzimi 2 aptaǵa deiin qysqartyldy. Bul óte qýantady. Al Halyqty jumyspen qamtý ortalyǵynyń qyzmetkerleri barlyǵyn túsindirip, portaldaǵy OTQ-ǵa ótinish berýge kómektesti», – dep atap ótti Qyzylorda oblysynyń turǵyny, I top múgedegi Aleksandr Gýndarev.
2020 jylǵy qazan aiynda pilottyq rejimde tapsyrys boiynsha jeke kómekshiler men ymdaý tili mamandarynyń qyzmetteri portaly arqyly, sondai-aq sanatorii-kýrorttyq em alý úshin uiymdy tańdaý boiynsha fýnktsional iske qosyldy.
2020 jyly jeke kómekshiniń qyzmetine 172 tapsyrys, ymdaý tili mamanynyń qyzmetine 157 jáne sanatorii-kýrorttyq emdelýge 210 tapsyrys júzege asyryldy.
Budan basqa, portalda pilottyq rejimde ataýly áleýmettik kómek alýshylarǵa memlekettik áleýmettik toptama berý boiynsha fýnktsional iske qosyldy. Jyl qorytyndysy boiynsha 19,6 myń adam 40 myńnan astam áleýmettik toptama aldy.
Ministrlik ónim berýshiler sanyn arttyrý boiynsha belsendi jumys júrgizýde. 2020 jyldyń qorytyndysy boiynsha portalda 7,6 myńnan astam ońaltý quraldary men qyzmetterin jetkizýshiler tirkelgen, atap aitqanda: arnaýly áleýmettik qyzmetter kórsetetin 828 meditsinalyq-áleýmettik mekeme, OTQ boiynsha 25 ónim berýshi, jeke kómekshiniń 6456 qyzmeti, 156 ymdaý tili, 41 sanatorii-kýrorttyq emdeý, 112 – áleýmettik toptama.
«Áleýmettik qyzmetter portaly» avtomattandyrylǵan aqparattyq júiesin engizý múgedektigi bar adamdardyń quqyqtaryn qamtamasyz etý jáne ómir súrý sapasyn jaqsartý jónindegi Ulttyq jospar sheńberinde kózdelgen.
Portaldy paidalaný boiynsha keńesti call-ortalyqtan 1411 nómiri boiynsha alýǵa bolady.
