Qazaqstanda 33 jer ýchaskesi memleket menshigine qaitaryldy, - dep habarlaidy "Ult aqparat" Sybailas jemqorlyqqa qarsy qyzmettiń baspasóz qyzmetine silteme jasap.
Sybailas jemqorlyqqa qarsy qyzmet Áleýmettik-kásipkerlik korporatsiialardyń (ÁKK) qyzmetkerlerine qatysty jer ýchaskelerin berý kezinde laýazymdyq ókilettikterdi teris paidalaný faktileri boiynsha 10 sotqa deiingi tergep-tekserý bastaldy. Tekserýler Básekelestikti qorǵaý jáne damytý agenttiginiń usynylǵan materialdary boiynsha júrgizilip jatyr.
Astana qalasynda, Jambyl, Qaraǵandy jáne Soltústik Qazaqstan oblystarynda sotaldy tergep-tekserý barysynda 65 jer ýchaskesi belgilendi. Olardy jergilikti atqarýshy organdar "Astana", "Taraz", "Saryarqa" jáne "Soltústik" ÁKK investitsiialyq jobalar úshin bergen.
Bul rette ÁKK basym qyzmet túrleriniń tizbesine engizilgen investitsiialyq emes jobalardy iske asyrý úshin jer jáne kásipkerlik kodeksterdiń talaptaryn buza otyryp, zańdy tulǵalarǵa jer ýchaskelerin rásimdegen.
Mysaly, Qaraǵandy oblysynda 2019-2021 jyldar aralyǵynda Qaraǵandy, Balqash, Jezqazǵan jáne Sátbaev qalalarynyń ákimdikteri "Saryarqa" ÁKK-na 36 jer ýchaskesin berip, onyń 14-i Kásipkerlik Kodeksiniń normalaryn jáne qalalardyń bas josparyn buza otyryp berilgen.
Soltústik Qazaqstan oblysynda Petropavl qalasy ákimdiginiń qaýlylary negizinde "Soltústik" ÁKK úshin 6 jer ýchaskesi berildi. Odan keiin olar saýda-sattyqsyz qurylys salýshylarǵa berildi.
Astana qalasy men Jambyl oblysynda osyǵan uqsas buzýshylyqtarmen sáikesinshe 8 jáne 5 ýchaske bergen.
Sybailas jemqorlyqqa qarsy qyzmettiń aýmaqtyq departamentteriniń usynysy boiynsha ákimdikter zańsyz berilgen 33 jer ýchaskesin memleket menshigine qaitarǵan.
