Almaty oblysynda 33 mln teńge para aldy dep aiyptalǵan Qarasai aýdany ákiminiń orynbasary iri kólemde aiyppul tóleitin boldy. Sot sheshimine sáikes, endi ol memleket qazynasyna 73,4 mln teńge tóleýge mindetteldi, - dep habarlaidy "Ult aqparat".
Atalǵan másele týraly tikelei efir kezinde AntikorLive Sybailas jemqorlyqqa qarsy agenttiktiń Almaty oblysy boiynsha departament basshysy Ernar Maqajanov málimdedi.
Esterińizge sala keteiik, Qarasai aýdany ákiminiń orynbasary jeke seriktestiń birinen kelisimshartqa qol qoiý kezinde para aldy degen kúdikke ilingen bolatyn. Ol «Jol kartasy 2020» baǵdarlamasy aiasynda salynatyn nysanǵa «qamqorlyq» tanytý úshin sybailastyqqa barǵan. Al salynýy tiis obektiniń quny 600 mln teńge bolǵan.
