Foto: Tengrinews.kz
Qazaqstandaǵy Adam quqyqtary jónindegi ýákil Elvira Ázimova referendýmdaǵy daýys berý erejeleri týraly taraǵan habarlamalarǵa qatysty pikir bildirdi, - dep habarlaidy Tengrinews.kz.
"Búgin chattardyń birinde: "Sailaý ýchaskesine kelip, bir biýlleten emes 33 biýlleten talap etińizder" - degen aýdio habarlamany estidim. Iaǵni, usynylǵan túzetýler sanyn eskergen. Biraq buǵan deiin túzetý paketine qatysty tek bir suraq bolatyny týraly naqty túsinikteme berilgen bolatyn. Sondyqtan, bulai túsindirý qate ǵana emes, ol azamattyq belsendilik pen referendýmǵa qatysý nietin maqsatty túrde buzady", - dedi Ázimova brifingte.
Onyń aitýynsha, dál osy aýdiohabarlama avtory azamattardy paraqqa qandai normalarǵa qatysty túzetýlermen kelispeitinin jazyp qoiýǵa shaqyrǵan.
"Mundai jazbalar avtomatty túrde biýlletendi jaramsyz etedi. Habarlamada: "Daýysyńyzdy basqa bireý paidalanbaýy úshin referendýmǵa kelińiz" dep jazylǵanymen, eger búkil aýdiohabarlamany tyńdasańyz, adamdardyń daýysyn jaramsyz qylýǵa ádeii itermeleidi", - deidi Ázimova.
