فوتو: Tengrinews.kz
قازاقستانداعى ادام قۇقىقتارى جٶنٸندەگٸ ۋەكٸل ەلۆيرا ەزٸموۆا رەفەرەندۋمداعى داۋىس بەرۋ ەرەجەلەرٸ تۋرالى تاراعان حابارلامالارعا قاتىستى پٸكٸر بٸلدٸردٸ, - دەپ حابارلايدى Tengrinews.kz.
"بٷگٸن چاتتاردىڭ بٸرٸندە: "سايلاۋ ۋچاسكەسٸنە كەلٸپ, بٸر بيۋللەتەن ەمەس 33 بيۋللەتەن تالاپ ەتٸڭٸزدەر" - دەگەن اۋديو حابارلامانى ەستٸدٸم. ياعني, ۇسىنىلعان تٷزەتۋلەر سانىن ەسكەرگەن. بٸراق بۇعان دەيٸن تٷزەتۋ پاكەتٸنە قاتىستى تەك بٸر سۇراق بولاتىنى تۋرالى ناقتى تٷسٸنٸكتەمە بەرٸلگەن بولاتىن. سوندىقتان, بۇلاي تٷسٸندٸرۋ قاتە عانا ەمەس, ول ازاماتتىق بەلسەندٸلٸك پەن رەفەرەندۋمعا قاتىسۋ نيەتٸن ماقساتتى تٷردە بۇزادى", - دەدٸ ەزٸموۆا بريفينگتە.
ونىڭ ايتۋىنشا, دەل وسى اۋديوحابارلاما اۆتورى ازاماتتاردى پاراققا قانداي نورمالارعا قاتىستى تٷزەتۋلەرمەن كەلٸسپەيتٸنٸن جازىپ قويۋعا شاقىرعان.
"مۇنداي جازبالار اۆتوماتتى تٷردە بيۋللەتەندٸ جارامسىز ەتەدٸ. حابارلامادا: "داۋىسىڭىزدى باسقا بٸرەۋ پايدالانباۋى ٷشٸن رەفەرەندۋمعا كەلٸڭٸز" دەپ جازىلعانىمەن, ەگەر بٷكٸل اۋديوحابارلامانى تىڭداساڭىز, ادامداردىڭ داۋىسىن جارامسىز قىلۋعا ەدەيٸ يتەرمەلەيدٸ", - دەيدٸ ەزٸموۆا.
