Rýdnyida ishimdik ishken 31 jastaǵy turǵyn tanysyn baýyzdap óltirgen. Qylmystyń anyq-qanyǵyn jýrnalistermen ótken brifingide oblystyq politsiia departamentiniń bastyǵy Beket Aimaǵambetov aityp berdi, dep habarlaidy "Ult aqparat".
Oqiǵa Rýdnyi qalasynda 3 jeltoqsan kúni bolǵan.31 jastaǵy er adam 68 jastaǵy tanysymen páterde ishimdik ishken. Munyń arty janjalǵa ulasyp 31 jastaǵy er adam jábirlenýshiniń moinyna pyshaq saldy.
«Jábirlenýshi alǵan dene jaraqaty saldarynan kóz jumdy. Qylmysker máiittiń basyn kesip tastap, oqiǵa ornynan qashyp ketken. Óltirilgen adamnyń týystary politsiiaǵa habarlady. Dereý tájiribeli qyzmetkerlerden jedel-tergeý toby quryldy. Biz kúdikti qashyp ketýi múmkin dep boljadyq, biraq politsiia qyzmetkerleriniń kásibiliginiń arqasynda ol ustaldy. Patrýldik politsiia qyzmetkerleri 22.00-den keiin kóshede júrgen mas adamdy baiqaidy. Olar er adamnyń qolyna qan juqqanyn kóredi. Qylmysker ustalyp, keiinnen kinásin moiyndady», - deidi Beket Aimaǵambetov.
Qazirgi ýaqytta osy derek boiynsha tergeý amaldary júrgizilýde.
Qostanai oblysynda jyl basynan beri 500-den astam qylmys patrýldik politsiia qyzmetkerleriniń kómegimen ashyldy. Beket Aimaǵambetov sapaly jumys istegen qyzmetkerlerge syiaqy taǵaiyndaitynyn aitty.
