رۋدنىيدا ٸشٸمدٸك ٸشكەن 31 جاستاعى تۇرعىن تانىسىن باۋىزداپ ٶلتٸرگەن. قىلمىستىڭ انىق-قانىعىن جۋرناليستەرمەن ٶتكەن بريفينگٸدە وبلىستىق پوليتسييا دەپارتامەنتٸنٸڭ باستىعى بەكەت ايماعامبەتوۆ ايتىپ بەردٸ, دەپ حابارلايدى "ۇلت اقپارات".
وقيعا رۋدنىي قالاسىندا 3 جەلتوقسان كٷنٸ بولعان.31 جاستاعى ەر ادام 68 جاستاعى تانىسىمەن پەتەردە ٸشٸمدٸك ٸشكەن. مۇنىڭ ارتى جانجالعا ۇلاسىپ 31 جاستاعى ەر ادام جەبٸرلەنۋشٸنٸڭ موينىنا پىشاق سالدى.
«جەبٸرلەنۋشٸ العان دەنە جاراقاتى سالدارىنان كٶز جۇمدى. قىلمىسكەر مەيٸتتٸڭ باسىن كەسٸپ تاستاپ, وقيعا ورنىنان قاشىپ كەتكەن. ٶلتٸرٸلگەن ادامنىڭ تۋىستارى پوليتسيياعا حابارلادى. دەرەۋ تەجٸريبەلٸ قىزمەتكەرلەردەن جەدەل-تەرگەۋ توبى قۇرىلدى. بٸز كٷدٸكتٸ قاشىپ كەتۋٸ مٷمكٸن دەپ بولجادىق, بٸراق پوليتسييا قىزمەتكەرلەرٸنٸڭ كەسٸبيلٸگٸنٸڭ ارقاسىندا ول ۇستالدى. پاترۋلدٸك پوليتسييا قىزمەتكەرلەرٸ 22.00-دەن كەيٸن كٶشەدە جٷرگەن ماس ادامدى بايقايدى. ولار ەر ادامنىڭ قولىنا قان جۇققانىن كٶرەدٸ. قىلمىسكەر ۇستالىپ, كەيٸننەن كٸنەسٸن مويىندادى», - دەيدٸ بەكەت ايماعامبەتوۆ.
قازٸرگٸ ۋاقىتتا وسى دەرەك بويىنشا تەرگەۋ امالدارى جٷرگٸزٸلۋدە.
قوستاناي وبلىسىندا جىل باسىنان بەرٸ 500-دەن استام قىلمىس پاترۋلدٸك پوليتسييا قىزمەتكەرلەرٸنٸڭ كٶمەگٸمەن اشىلدى. بەكەت ايماعامبەتوۆ ساپالى جۇمىس ٸستەگەن قىزمەتكەرلەرگە سىياقى تاعايىندايتىنىن ايتتى.
