Aqtóbe oblysyndaǵy «Jaisań» shekara pýnktinde 304 myń AQSh dollaryn zańsyz áketpek bolǵan sheteldik azamat ustaldy, dep habarlaidy QazAqparat UQK baspasóz qyzmetine silteme jasap.
«27 maýsymda Aqtóbe oblysy boiynsha Shekara qyzmeti departamenti «Jaisań» (avtomobil) ótkizý pýnktinde tekserý is-sharalaryn júrgizý kezinde aqshalai qarajatty shetelge zańsyz áketý áreketin anyqtady. 304 000 AQSh dollaryn avtomobildiń júk salǵyshyndaǵy qosalqy dońǵalaqtyń astyna jasyrýǵa tyrysqan sheteldik azamat ustaldy. Materialdar Ekonomikalyq tergeý departamentine berildi», - delingen Komitet aqparatynda.
Sonymen qatar, UQK Shekara qyzmeti Qazaqstan Respýblikasynan tys jerlerge shyǵatyn azamattarǵa aqsha qarajatyn áketý (on myń AQSh dollarynan astam) jáne olardy deklaratsiialaý kezinde zańnamany saqtaý qajettiligi týraly eskertedi.
