.jpg)
Foto:bilimdinews.kz alyndy
Bastapqy kezeńinde 300 muǵalim men trener «Jasandy intellekt» jáne Game Development baǵyttary boiynsha biliktiligin arttyrýda. Biyl 31 jeltoqsanda aiaqtalatyn kýrstar alty aiǵa josparlanǵan. Kýrs aiaqtalǵan soń árbir qatysýshyǵa sertifikat beriledi, olar ári qarai oqýshylar men pedagogterdi baǵdarlamalaý negizderine oqyta alady.«Pilottyq mektepterdiń bilim alýshylary baǵdarlamalaý negizderi boiynsha biyl shilde-jeltoqsan aralyǵynda onlain rejimde «No Code», «Low Code» jáne «Startup Academy» kýrstarynan jáne oflain 2025 jyldyń qańtarynan bastap baǵdarlamalaý negizderi boiynsha oqidy. Qazir Astana Hub platformasynda bilim alýshylardy onlain tirkeý júrip jatyr. Ár oqýshyǵa qupiia sóz ben login beriledi, onyń kómegimen olar modýlderdi igerip, tapsyrmalardy oryndap, testileýden óte alady. Barlyq modýlderden sátti ótken bilim alýshylarǵa kýrsty aiaqtaǵany týraly sertifikat beriledi, bul IT-ónimderdi jasaýǵa múmkindik beretin bolady», – dep atap ótti Orta bilim berý komitetiniń basqarma basshysy Gúlnar Talasbaeva.
Aita ketý kerek, oqýshylar ózderine yńǵaily ýaqytta oqi alady. Ár sabaqta beinedáris, qosymsha materialdar jáne test tapsyrmalary bar. Sondai-aq qatysýshylar pilottyq joba úilestirýshilerinen kómek surai alady. Pilottyq joba barlyǵy 27 myńnan astam oqýshyny qamtidy.
Belgili jýrnalist Ońǵar Qabden daryndy balalarǵa jan-jaqty qoldaý kórsetý kerektigin alǵa tartady.
Mysaly biyl kóptegen daryndy oqýshylarmyz Qazaqstannyń atyn shyǵardy. Shetelde ótken bedeldi pán olimpiadalarynan birneshe daryndy balamyz altyn-kúmis, qola júldemen oraldy.
Odan bólek, Halyqaralyq 3 ǵylymi konkýrsqa qatysqan jeńimpaz oqýshylarymyz bar.
Bunyń bári “Ǵylymdaǵy balalar” atty keremet jobanyń avtory-jetekshisi, saiasattaný ǵylymdary boiynsha PHD Lázzat Qusaiynova hanymnyń jáne «Almaty-Daryny» ortalyǵy men Ridder qalasyndaǵy №1 mektep-litseiiniń úlken eńbeginiń nátijesi.
