— Urlyq aqshaǵa meshit salýǵa bola ma?
— Bolady. Biraq saýaby joq. Qudaidy eshkim aldai almaidy.
— Sonda ondai meshitte namaz oqýǵa bolmai ma?
— Bolady. Óitkeni ol urlyq aqsha áý basta halyqtiki bolǵan.
— Siz ózińiz sol meshitte namaz oqyr ma edińiz?
— Meshitke jurt nelikten qarsy bolyp jatyr?
— Sebebi 30 jyl eldi tonaǵandarǵa degen renish meshitke kóleńke túsirdi.
— “Meshittiń ornyna zaýyt, mektep salý kerek edi” deitinder bar.
— Meshit te, mektep te, zaýyt ta qajet. Bir-birine qarsy qoimaý kerek. Biraq tek meshit salsam ǵana, saýap alamyn deý qate. Halyqqa qajet, paidaly kez-kelgen dúnieni jasaý qulshylyq hám úlken saýap. Kásipkerler “Garvard” sekildi ǵylym ordalary men “Nasa” sekildi zerthanalardy quryp jatsa, myń meshitke bergisiz saýap is bolar edi.
— Shetelden birqatar múftiler qatysty. Al bizdiń múfti qatysqan joq. Nelikten?
— Dinniń saiasilanǵandyǵynyń kórinisi.
— Bul protest bolsa, sheteldik múftilerdi shaqyrmaý kerek edi. Al shaqyryp alyp, óziń barmaý kem degende sol múftilerge qurmetsizdik hám uiat nárse emes pe?
— Uiat nárse.
— Múfti aýyryp qaldy degen aqparat shyqty. Eger Toqaev qatysqanda, aýyryp qaldym dep qatysýdan bas tartar ma edi?
— Joq. Qyzýy kóterilip, basy ainalyp tursa da, shuǵyl em-dom jasap, sistema quiyp bir-eki saǵatqa kelip, qatysar edi.
— Bolashaq ne bolady?
— Eger prezident batyl hám ádil bolsa, jaqsy bolady degen úmit bar. Biraq jaraly qasqyrlardyń qaita shabýynan asa saq bolǵan jón.
