— ۇرلىق اقشاعا مەشٸت سالۋعا بولا ما?
— بولادى. بٸراق ساۋابى جوق. قۇدايدى ەشكٸم الداي المايدى.
— سوندا ونداي مەشٸتتە ناماز وقۋعا بولماي ما?
— بولادى. ٶيتكەنٸ ول ۇرلىق اقشا ەۋ باستا حالىقتٸكٸ بولعان.
— سٸز ٶزٸڭٸز سول مەشٸتتە ناماز وقىر ما ەدٸڭٸز?
— مەشٸتكە جۇرت نەلٸكتەن قارسى بولىپ جاتىر?
— سەبەبٸ 30 جىل ەلدٸ توناعاندارعا دەگەن رەنٸش مەشٸتكە كٶلەڭكە تٷسٸردٸ.
— “مەشٸتتٸڭ ورنىنا زاۋىت, مەكتەپ سالۋ كەرەك ەدٸ” دەيتٸندەر بار.
— مەشٸت تە, مەكتەپ تە, زاۋىت تا قاجەت. بٸر-بٸرٸنە قارسى قويماۋ كەرەك. بٸراق تەك مەشٸت سالسام عانا, ساۋاپ الامىن دەۋ قاتە. حالىققا قاجەت, پايدالى كەز-كەلگەن دٷنيەنٸ جاساۋ قۇلشىلىق ھەم ٷلكەن ساۋاپ. كەسٸپكەرلەر “گارۆارد” سەكٸلدٸ عىلىم وردالارى مەن “ناسا” سەكٸلدٸ زەرتحانالاردى قۇرىپ جاتسا, مىڭ مەشٸتكە بەرگٸسٸز ساۋاپ ٸس بولار ەدٸ.
— شەتەلدەن بٸرقاتار مٷفتيلەر قاتىستى. ال بٸزدٸڭ مٷفتي قاتىسقان جوق. نەلٸكتەن?
— دٸننٸڭ ساياسيلانعاندىعىنىڭ كٶرٸنٸسٸ.
— بۇل پروتەست بولسا, شەتەلدٸك مٷفتيلەردٸ شاقىرماۋ كەرەك ەدٸ. ال شاقىرىپ الىپ, ٶزٸڭ بارماۋ كەم دەگەندە سول مٷفتيلەرگە قۇرمەتسٸزدٸك ھەم ۇيات نەرسە ەمەس پە?
— ۇيات نەرسە.
— مٷفتي اۋىرىپ قالدى دەگەن اقپارات شىقتى. ەگەر توقاەۆ قاتىسقاندا, اۋىرىپ قالدىم دەپ قاتىسۋدان باس تارتار ما ەدٸ?
— جوق. قىزۋى كٶتەرٸلٸپ, باسى اينالىپ تۇرسا دا, شۇعىل ەم-دوم جاساپ, سيستەما قۇيىپ بٸر-ەكٸ ساعاتقا كەلٸپ, قاتىسار ەدٸ.
— بولاشاق نە بولادى?
— ەگەر پرەزيدەنت باتىل ھەم ەدٸل بولسا, جاقسى بولادى دەگەن ٷمٸت بار. بٸراق جارالى قاسقىرلاردىڭ قايتا شابۋىنان اسا ساق بولعان جٶن.
