Qazaqstan halqy Assambleiasynyń HIH sessiiasynda Pavlodar oblystyq kardiologiia ortalyǵynyń bólimshe meńgerýshisi Inna Glovatskaia elimizde osydan 30 jyl buryn kitaptan ǵana oqityn operatsiialar jasalyp jatqandyǵyn aitty, dep habarlaidy QazAqparat.
«Qazir bizdiń densaýlyq saqtaý júiemizdi, jekelegen dárigerlerdiń qateligin ádil synap júr. Biraq, álemdegi birde-bir densaýlyq saqtaý júiesi mundai aýqymdaǵy indetke daiyn bolmaǵandyǵyn anyq bilemiz. Sonymen qatar Qazaqstan bul jaǵdaida ózin laiyqty deńgeide kórsetip otyrǵandyǵyn da bilemin. Densaýlyq saqtaý júiesinde sonaý qiyn-qystaý 90-shy jyldardan jumys istei bastadym. Jáne de densaýlyq saqtaý júiemizdegi ózgeristerdiń aýqymdy ekendigin aita alamyn. Biz osydan 30 jyl buryn tek qana oqityn operatsiialardy jasap júrmiz», - dedi ol.
Sonymen qatar dáriger indet áli aiaqtalmaǵandyǵyn, dárigerler kúni-túni naýqastardy emdeýmen ainalysyp jatqandyǵyn basa aitty. Osy oraida QR Tuńǵysh Prezidenti Nursultan Nazarbaevtyń, Memleket basshysy Qasym-Jomart Toqaevtyń, Qazaqstan halqy Assambleiasynyń tarapynan turaqty qoldaý bolǵandyǵyn atap ótti.
«Bizde senimdilik paida boldy jáne Qasym-Jomart Kemeluly, búginde Siz koronavirýspen kúres, halyqty vaktsinatsiialaý máselesimen ózińiz ári tyńǵylyqty ainalysyp jatyrsyz. Elim óz vaktsinasyn ázirlegendigin maqtan tutamyn. Ondai álemde ne bári 5 el ǵana bar. Osy rette otandastarymnan sizderdiń ómirlerińiz ben densaýlyqtaryńyzdy qutqarýǵa kómektesýlerińizdi, barlyq saqtyq is-sharalaryn oryndaýdy, vaktsina alýdy ótinemin», - dedi Inna Glovatskaia.
