Qazaqstanda til máselesin talqylaý - bizdiń qasiretimiz, ulttyń qasireti. Shyndyǵynda, ult bop qalyptasqan elde mundai másele talqylanbaý kerek. Biligi orystildi, biligi halyqqa jaqyn emes elde til máselesi - kókpar tartys sekildi.
"Jer satylady, jer satylmaidy" degen taqyrypta sóz bolmaýǵa tiis. "Jer satylmaityn boldy" dep qýaný da - bizdiń qasiretimiz. Sebebi, mundai másele eshqashan talqylanbaý kerek. Meniń túsinigimde, ult bop, memleket bop qalyptasqan elde jer satylmaý kerek, jer satylý týraly eshqashan sóz bolmaýy kerek.
Latyn álipbiiniń bitpeitin "jyry" da sharshatty...
Qoǵamda eshqashan talqylanbaýǵa tiis nársege qansha qarjy bólip, bos myljyńmen qansha jinalys ótkizdińder?
Qudai-aý, "qazaq tili" dep júrip, "qazaq tilin damytyp jatyrmyz" dep biýdjettiń qansha aqshasyn jedińder?
"Jer satylady, satylmaidy" dep osy kúnge deiin qansha jiyn ótkizdińder? Oǵan qansha aqsha ketti?
"Qatira toiǵa jańa kóilek alatyn boldy, joq, Qatira toiǵa burynǵy kóilegin kietin boldy" degen áielderden senderdiń aiyrmashylyqtaryń qaldy ma?
Qudai-aý, ekonomikany, halyqtyń áleýmettik turmysyn kóterseńdershi.
Halyqty sharshatyp, qajytyp jiberdińder...
Álde biz áli ult bop, memleket bop qalyptaspadyq pa?
Ult bop qalyptassaq mynandai bassyzdyqqa, otyz jyl ertegisi bitpegen, diktanttan kóp qate jiberetin oqýshy keipindegi bilikke jol bermeýshi edik qoi.
Aiagúl Mantaidyń feisbýktaǵy jazbasy
