QR Aqparat jáne qoǵamdyq damý ministrliginiń qoldaýymen «Qazaqstan» teleradiokorporatsiiasy uiymdastyrǵan «30 jyl 30 esim» ulttyq baiqaýynyń jeńimpazdary anyqtaldy, dep habarlaidy "Ult aqparat".
Televiziialyq júlde Táýelsizdiktiń 30 jyldyǵyna orai sońǵy 30 jylda ár salada jetistikke jetken biregei tulǵalarǵa tabystaldy.
Baiqaý erejesi boiynsha sarapshylardan quralǵan arnaiy komissiia irikteýimen elimizdiń ǵylym, bilim, densaýlyq saqtaý, aýyl sharýashylyǵy, mádeniet, sport, kino, dástúrli óner siiaqty 10 salada tabysty eńbek etip kele jatqan kásibi mamandar tańdaldy. Komissiia sheshimimen ekinshi kezeńge ótken úmitkerler «Qazaqstan» teleradiokorporatsiiasynyń www.qazaqstan.tv resmi saitynda júrgizilgen jalpyhalyqtyq daýys berýge qatysty.
Baiqaý qorytyndysy boiynsha 10 atalymda úzdik shyqqandar:
«Meditsina jáne densaýlyq saqtaý salasyna qosqan úlesi úshin» - meditsina ǵylymdarynyń doktory, akademik Serik Aqsholaqov, elimizde tuńǵysh ret qan ainalymynyń qosalqy qurylǵylaryn implantatsiialaý, donorlyq júrekti jáne ókpeni transplantatsiialaý siiaqty birqatar kúrdeli otalardy sátti júzege asyrǵan halyqaralyq dárejedegi kardiohirýrg Iýrii Pia, joǵary sanatty dáriger, «Altyn dáriger» tósbelgisiniń iegeri Nadejda Petýhova;
«Qoǵamdyq belsendiligi úshin» atalymy boiynsha til janashyry Asyly Osman, elimizdegi eń tanymal lider.kz eriktiler qozǵalysynyń negizin salýshy Olesia Baimova, advokat, «Halyq úni» jobasynyń avtory Aiman Omarova;
«Mádeniet salasyna sińirgen eńbegi úshin» ánshi Dimash Qudaibergen, kúishi Seken Turysbekov, sýretshi Erbolat Tólepbai;
«Kino salasyna sińirgen eńbegi úshin» tetar jáne kino akteri Bolat Ábdilmanov, akter, Qazaqstannyń Halyq ártisi Asanáli Áshimov, teatr jáne kino sahnasynda 200-den asa ról romdaǵan akter Doshan Joljaqsynov;
«Sport salasyndaǵy jetistikteri úshin» grek-rim kúresinen Seýl Olimpiadasynyń kúmis júldegeri, Álem chempiony, Qazaqstannyń eńbek sińirgen jattyqtyrýshysy Dáýlet Turlyhanov, kásipqoi boksshy, Beijiń Olimpiadasynyń, Aziia oiyndarynyń qola júldegeri Qanat Islam, aýyr salmaqta álemdik rekordty jańartqan ziltemirshi, tórt dúrkin Álem chempiony Ilia Ilin;
«Ǵylymnyń damýyna qosqan úlesi úshin» atalymy boiynsha matematik, QR Ulttyq ǵylym akademiiasynyń akademigi Asqar Jumadildaev, «QazVac» vaktsinasyn jasaýshy ǵalym Kúnsulý Zakaria, «Araltóbe», «Berel» qorymdarynan «Altyn adamdy» tapqan arheolog Zeinolla Samashev;
«Bilim salasynyń damýyna qosqan úlesi úshin» daryndy balalarǵa arnalǵan «Bilim-Innovatsiia» mektebiniń muǵalimi Mýammer Gúl, «Qazbilim» qosymsha bilim berý ortalyǵynyń direktory Aiatjan Ahmetjanuly, Qazaqstannyń tuńǵysh Eńbek eri, matematika pániniń muǵalimi Aiagúl Mirazova;
«Aýyl sharýashylyǵy jáne agroóndiris salasyna qosqan úlesi úshin» atalymynda asyl tuqymdy qoi ósirýshi jas kásipker Nurislam Ybraev, Eńbek eri, «Rodina» agrofirmasynyń negizin qalaýshy Ivan Saýer, elimizdegi túie sharýashylyǵynyń damýyna atsalysyp júrgen kásipker, konservantsyz shubat óndirýshi kompaniianyń iegeri Sydyq Dáýletov;
«Dástúrli ónerdiń damýyna qosqan úlesi úshin» kúishi Aigúl Úlkenbaeva, ánshi Ramazan Stamǵaziev, jyrshy Elmura Jańabergenova;
«Ádebiet» atalymy boiynsha jazýshy-dramatýrg Dýlat Isabekov, aqyn Svetqali Nurjan, aqyn Ulyqbek Esdáýlet marapattaldy.
Úzdikterdiń esimi 2021 jylǵy 23-30 qarasha aralyǵynda qazaqstan.tv saity arqyly júrgizilgen daýys berý kezeńinde anyqtaldy.
«30 jyl 30 esim» esim baiqaýynyń jeńimpazdary – halyqtyń tańdaýy. Ulttyq arnanyń resmi saity arqyly daýys berýge bir aptanyń ishinde 962 858 qazaqstandyq qatysty.
Jeńimpazdardy marapattaý rásiminiń televiziialyq nusqasy «Qazaqstan» telearnasynan 16 jeltoqsanda efirge shyǵady.
