Qazaqstandyq jumysshy Ońtústik Koreiada aǵyndy sýdy tazartý kezinde qaza tapty. Aldyn ala málimetter boiynsha, ony toq soqqan, dep habarlaidy Yonhap News.
Jazataiym oqiǵa 2024 jyldyń 8 sáýirinde tústen keiin Chondjý qalasyndaǵy shyny zaýytynyń tazartý qondyrǵysynda boldy. Qazir jergilikti politsiia men Eńbek jáne jumyspen qamtý ministrligi tergeý júrgizýde. Shyny zaýyty Ońtústik Koreianyń aýyr jazataiym oqiǵalardy jazalaý týraly zańyna sáikes keledi.
Aldyn ala málimetter boiynsha, 30 jastaǵy otandasymyzdy toq soqqan, keiin aýrýhanaǵa jetkizilip, sol jerde qaitys boldy.
Elimizdiń Syrtqy ister ministrligi qazaqstandyqtyń Ońtústik Koreiadaǵy zaýytta qaitys bolǵanyn rastady.
«Óndiriste qaza tapty, qazir týystarymen bailanysyp, qajetti qujattardy rásimdep jatyrmyz», – dedi SIM resmi ókili Aibek Smadiiarov.
