Búkil elimiz boiynsha 30 myńnan astam dáriger ústemeaqy alady. Bul týraly QR Densaýlyq saqtaý ministri Eljan Birtanov Facebook-tegi paraqshasynda jazdy, dep habarlaidy "Ult aqparat".
«Memleket basshysynyń tapsyrma boiynsha koronavirýspen kúreske jumyldyrylǵan meditsina qyzmetkerlerine ústemeaqy tóleýge qatysty jańalyqpen bóliskim keledi. 4 sáýirde densaýlyq saqtaý uiymdarynyń qyzmetkerlerin qarjylyq qoldaý máseleleri boiynsha buiryqqa qol qoidym. Sol kúni ol Ádilet ministrliginde tirkeldi. Buiryqta barlyq táýekel toby, tólem mólsheri men tizimdi qalyptastyrý tártibi aiqyndalǵan», - dedi ministr.
Onyń atap ótýinshe, elimizdiń óńirlerinde de tiisti komissiia jasaqtalyp, meditsina qyzmetkerleriniń aty-jónderi boiynsha tizim qurylǵan.
«Búgin-aq biz Áleýmettik meditsinalyq saqtandyrý qory arqyly barlyq óńirge meditsinalyq uiymdardyń esepshotyna qarjy aýdardyq. Meditsina uiymdarynyń basshylary 1-2 táýekel tobyndaǵylarǵa qarajat aýdarýdy bastaidy. Al apta sońyna deiin barlyq qalǵan meditsina qyzmetkerlerine aýdarylady. Qorytyndysynda 30 myńnan astam meditsina qyzmetkeri ústemeaqy alady», - dedi Eljan Birtanov.
