بٷكٸل ەلٸمٸز بويىنشا 30 مىڭنان استام دەرٸگەر ٷستەمەاقى الادى. بۇل تۋرالى قر دەنساۋلىق ساقتاۋ مينيسترٸ ەلجان بٸرتانوۆ Facebook-تەگٸ پاراقشاسىندا جازدى, دەپ حابارلايدى "ۇلت اقپارات".
«مەملەكەت باسشىسىنىڭ تاپسىرما بويىنشا كوروناۆيرۋسپەن كٷرەسكە جۇمىلدىرىلعان مەديتسينا قىزمەتكەرلەرٸنە ٷستەمەاقى تٶلەۋگە قاتىستى جاڭالىقپەن بٶلٸسكٸم كەلەدٸ. 4 سەۋٸردە دەنساۋلىق ساقتاۋ ۇيىمدارىنىڭ قىزمەتكەرلەرٸن قارجىلىق قولداۋ مەسەلەلەرٸ بويىنشا بۇيرىققا قول قويدىم. سول كٷنٸ ول ەدٸلەت مينيسترلٸگٸندە تٸركەلدٸ. بۇيرىقتا بارلىق تەۋەكەل توبى, تٶلەم مٶلشەرٸ مەن تٸزٸمدٸ قالىپتاستىرۋ تەرتٸبٸ ايقىندالعان», - دەدٸ مينيستر.
ونىڭ اتاپ ٶتۋٸنشە, ەلٸمٸزدٸڭ ٶڭٸرلەرٸندە دە تيٸستٸ كوميسسييا جاساقتالىپ, مەديتسينا قىزمەتكەرلەرٸنٸڭ اتى-جٶندەرٸ بويىنشا تٸزٸم قۇرىلعان.
«بٷگٸن-اق بٸز ەلەۋمەتتٸك مەديتسينالىق ساقتاندىرۋ قورى ارقىلى بارلىق ٶڭٸرگە مەديتسينالىق ۇيىمداردىڭ ەسەپشوتىنا قارجى اۋداردىق. مەديتسينا ۇيىمدارىنىڭ باسشىلارى 1-2 تەۋەكەل توبىنداعىلارعا قاراجات اۋدارۋدى باستايدى. ال اپتا سوڭىنا دەيٸن بارلىق قالعان مەديتسينا قىزمەتكەرلەرٸنە اۋدارىلادى. قورىتىندىسىندا 30 مىڭنان استام مەديتسينا قىزمەتكەرٸ ٷستەمەاقى الادى», - دەدٸ ەلجان بٸرتانوۆ.
