Qazaqstanda 30 maýsymnan bastap shekteý sharalarynyń kúsheitiletini jaily taraǵan aqparat - jalǵan.
Bul týraly Densaýlyq saqtaý ministrligi habarlady.
«Áleýmettik jelilerde Vedomstvoaralyq komissiia Qazaqstanda 2020 jyldyń 30 maýsymy saǵat 00.01-den bastap belgili bir ýaqyt ishinde shekteý sharalary kúsheitiletini jaily aqparat tarap júr. Bul aqparat durys emes. Shekteý sharalary týraly túpkilikti sheshimdi Memleket basshysynyń tapsyrmasyna sáikes Premer-ministrdiń tóraǵalyǵymen memlekettik komissiia qabyldaidy» delingen vedomstvo taratqan málimette.
Densaýlyq saqtaý ministrligi Qazaqstanda jalǵan aqparat taratqany úshin jaýapkershilik qarastyrylǵanyn eskerti.
Eske sala ketsek, Úkimet 2 kúnniń ishinde osy jyldyń naýryz-mamyr aiyndaǵydai qatań karantin sharalaryn engizý boiynsha usynys ázirleýi tiis. Bul tapsyrmany koronavirýs indetiniń taralýyna qarsy sharalar qabyldaý jónindegi keńes barysynda QR Prezidenti Qasym-Jomart Toqaev bergen edi. Óz tarapynan Densaýlyq saqtaý ministri qatań karantin boiynsha túpkilikti sheshim jaqynda qabyldanatynyn habarlaǵan bolatyn.
