Foto: ashyq derekkóz
Qazaqstanda Kólik qyzmetkerleri kúni resmi túrde 1998 jyldan beri tamyz aiynyń birinshi jeksenbisinde atalyp ótedi, dep habarlaidy Ult.kz.
Búginde Qazaqstannyń kólik salasynda 772 myń adam eńbek etedi. Kólik ministrliginiń málimetinshe, qazirgi tańda 1300 shaqyrymnan astam jańa temirjol, 12 myń shaqyrym avtojol jáne 3 jańa áýejai qurylysy júrip jatyr. Sonymen qatar zamanaýi logistikalyq ortalyqtar damytylýda.
Júk pen jolaýshy tasymalynyń kólemi jyl saiyn artyp keledi. 2029 jylǵa qarai Qazaqstan arqyly ótetin tranzit kólemin 100 mln tonnaǵa deiin jetkizý josparlanǵan. Kólik dálizderin tsifrlandyrý men mýltimodaldy júielerdi damytý da basty nazarda.
Biylǵy birinshi jartyjyldyqta kólik salasy 22,7% ósim kórsetti. Bilikti kadrlardy daiyndaýǵa basymdyq berilip, qosymsha granttar bólinýde.
Kólik ministri Nurlan Saýranbaev óz sózinde:
«Iri infraqurylymdyq jobalardyń sátti ári sapaly júzege asýy — sala qyzmetkerleriniń birligi men úilesimdi jumysynyń nátijesi. Alda aýqymdy mindetter tur, olardy tabysty oryndaý úshin kúsh biriktirýimiz qajet», – dep atap ótti.
Biyl 200-ge jýyq kólik salasynyń mamany memlekettik nagradalarǵa ie boldy. Olardyń arasynda:
-
«Qazaqstannyń Eńbek Eri»,
-
«Parasat» jáne «Qurmet» ordenderi,
-
«Eńbek dańqy» III dárejeli ordeni,
-
«Eren eńbegi úshin», «Shapaǵat», «Erligi úshin» medaldary men
-
«Kólik salasynyń qairatkeri» qurmetti ataǵy bar.
Kúni keshe Memleket basshysy kólik salasynyń qyzmetkerlerin marapattady.
