Foto: pixabay
QMA-da onlain-kazino túrindegi zańsyz oiyn biznesin uiymdastyrý deregi boiynsha sotaldy tergep-tekserý tirkeldi, - dep habarlaidy "Ult aqparat" agenttiktiń baspasóz qyzmetine silteme jasap.
Oiyndarǵa qatysý saittarda jariialanǵan Telegram arnasynda jarna tóleý úshin jasalǵan silteme arqyly iske asqan.
"Tólem kartshottarǵa jáne elektrondyq ámiianǵa jiberilgen, ony toltyrǵannan keiin oiyndarǵa qatysý úshin login men parol jasaqtalady. Bás tigýler men utystardy tóleý sheteldik tulǵalardyń kartshottary arqyly júzege asyryldy.
Atyraý, Aqtóbe jáne Aqtaý qalalarynyń aýmaǵynda tintý júrgizilip, onyń barysynda zattai aiǵaqtar – oiyn baǵdarlamalary bar noýtbýkter, sheteldik tulǵalar men Qazaqstan azamattaryna berilgen banktik qosymshalary bar telefondar alyndy.
Barlyq jyljymaly jáne jyljymaityn múlikke jalpy somasy 167 mln teńgege tyiym salyndy. Sondai-aq uiymdastyrýshylar men qatysy bar tulǵalarǵa tiesili ekinshi deńgeili bankterdegi barlyq shottarǵa tyiym salyndy" - delingen habarlamada.
«Onlain» qumar oiyndary táýlik boiy júrgizilip, kúndelikti ainalymy shamamen 800 000 teńgeni quraǵan. Al zańsyz oiyn biznesin uiymdastyrýǵa paidalanylǵan kartshottarǵa túsken qarajattyń jalpy somasy 3 mlrd teńgeden asady.
"Kúdiktiler ustalyp, ýaqytsha ustaý izoliatoryna qamaldy. Olarǵa qatysty sot 2 ai merzimge «qamaý» bultartpaý sharasyna sanktsiia berdi.
QMA azamattardy patologiialyq qumar oiyndarǵa táýeldilikten – lýdomaniiadan qorǵaý jumysyn jalǵastyrady" - delingen Qarjylyq monitoring agenttigi habarlamasynda.
QR Konstitýtsiiasynyń 77-babynyń 3-tarmaǵynyń 1-tarmaqshasyna jáne QR Qylmystyq-protsestik kodeksiniń 19-babynyń 1-bóligine sáikes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deiin árkim kinásiz dep esepteledi.
