QR Bas prokýratýrasynyń 1 qyzmet bastyǵynyń orynbasary Eldos Qilymjanovtyń aitýynsha, qańtar oqiǵasy boiynsha 288 qylmystyq is sotqa joldanǵan, dep habarlaidy QazAqparat.
«Buǵan deiin habarlanǵandai, tergeýdiń aiaqtalýyna qarai qylmystyq ister sotqa joldanýda. Qazirgi ýaqytta, sotqa 288 qylmystyq is joldandy, onyń 208-i Almaty qalasynda, Almaty oblysy – 49, Jambyl – 10, Shymkent qalasynda – 9, Qyzylorda – 5, Túrkistan – 4, Aqmola – 2 jáne Atyraý oblysynda – 1», - dedi Bas Prokýratýra ókili Ortalyq kommýnikatsiialar qyzmetinde ótken brifingide.
Onyń aitýynsha, atalǵan ister negizinde 275 adam sottalǵan.
«Onyń ishinde 22 adam bas bostandyǵynan aiyrýǵa, qalǵandaryna bas bostandyǵyn shekteý, qoǵamdyq jumystar jáne aiyppul túrindegi jaza qoldanyldy», - dedi Eldos Qilymjanov.
