Qaraǵandy oblysynda politseiler esirtki jetkizý arnasynyń jolyn kesip, iri kólemdegi sintetikalyq esirtkini tárkiledi, dep habarlaidy ult.kz.
Polisia.kz portalynyń jazýynsha, Balqash qalasynda júrgizilgen jedel is-shara barysynda Esirtki qylmysyna qarsy is-qimyl basqarmasynyń qyzmetkerleri Temirtaý qalasynyń 23 jastaǵy turǵynyn ustady. Tekserý kezinde onyń janynan esirtkige uqsas zaty bar 139 orama tabylǵan.
Kúdiktiniń jeke zattaryn qaraý barysynda taǵy 110 orama anyqtaldy. Sonymen qatar politseiler jedel-izdestirý sharalary kezinde jasyryn oryndardan qosymsha 38 oramany tárkiledi.
Nátijesinde zańsyz ainalymǵa shyǵarylmaq bolǵan jalpy sany 287 orama esirtki qolǵa tústi.
Tergeý barysynda kúdiktiden eki uialy telefon tárkilenip, ondaǵy hat almasýlar zertteldi. Politseiler onyń esirtki taratýdy uiymdastyrǵan tulǵadan naqty tapsyrmalar alyp otyrǵanyn anyqtaǵan.
Saraptama qorytyndysy tárkilengen zattyń mefedron ekenin rastady. Onyń jalpy salmaǵy 300 gramnan asqan.
Atalǵan derek boiynsha sotqa deiingi tergeý amaldary júrgizilip jatyr. Kúdikti ýaqytsha ustaý izoliatoryna qamaldy.
