قاراعاندى وبلىسىندا پوليتسەيلەر ەسٸرتكٸ جەتكٸزۋ ارناسىنىڭ جولىن كەسٸپ, ٸرٸ كٶلەمدەگٸ سينتەتيكالىق ەسٸرتكٸنٸ تەركٸلەدٸ, دەپ حابارلايدى ult.kz.
Polisia.kz پورتالىنىڭ جازۋىنشا, بالقاش قالاسىندا جٷرگٸزٸلگەن جەدەل ٸس-شارا بارىسىندا ەسٸرتكٸ قىلمىسىنا قارسى ٸس-قيمىل باسقارماسىنىڭ قىزمەتكەرلەرٸ تەمٸرتاۋ قالاسىنىڭ 23 جاستاعى تۇرعىنىن ۇستادى. تەكسەرۋ كەزٸندە ونىڭ جانىنان ەسٸرتكٸگە ۇقساس زاتى بار 139 وراما تابىلعان.
كٷدٸكتٸنٸڭ جەكە زاتتارىن قاراۋ بارىسىندا تاعى 110 وراما انىقتالدى. سونىمەن قاتار پوليتسەيلەر جەدەل-ٸزدەستٸرۋ شارالارى كەزٸندە جاسىرىن ورىنداردان قوسىمشا 38 ورامانى تەركٸلەدٸ.
نەتيجەسٸندە زاڭسىز اينالىمعا شىعارىلماق بولعان جالپى سانى 287 وراما ەسٸرتكٸ قولعا تٷستٸ.
تەرگەۋ بارىسىندا كٷدٸكتٸدەن ەكٸ ۇيالى تەلەفون تەركٸلەنٸپ, ونداعى حات الماسۋلار زەرتتەلدٸ. پوليتسەيلەر ونىڭ ەسٸرتكٸ تاراتۋدى ۇيىمداستىرعان تۇلعادان ناقتى تاپسىرمالار الىپ وتىرعانىن انىقتاعان.
ساراپتاما قورىتىندىسى تەركٸلەنگەن زاتتىڭ مەفەدرون ەكەنٸن راستادى. ونىڭ جالپى سالماعى 300 گرامنان اسقان.
اتالعان دەرەك بويىنشا سوتقا دەيٸنگٸ تەرگەۋ امالدارى جٷرگٸزٸلٸپ جاتىر. كٷدٸكتٸ ۋاقىتشا ۇستاۋ يزولياتورىنا قامالدى.
