Erteń, 28 qańtarda Qazaqstannyń birqatar oblysynda qatty aiaz bolady, - dep habarlaidy "Ult aqparat" "Qazgidromet" ortalyǵyna silteme jasap.
Sinoptikterdiń habarlaýynsha, Almaty, Jambyl, Ońtústik Qazaqstan, Mańǵystaý, Qaraǵandy, Shyǵys Qazaqstan jáne Qyzylorda oblystarynda 28 qańtar kúni qatty aiaz bolady.
Sondai-aq, meteorologtardyń málimetinshe, Qazaqstannyń aýa raiyn áli de antitsiklon anyqtaidy. Sonyń áserinen jaýyn-shashynsyz aýa raiy saqtalady. Alaida, respýblikanyń kei jerlerinde jel kúsheiip, tuman túsedi jáne boran soǵady.
"Ońtústik Qazaqstan, Qyzylorda oblystarynyń kei jerlerinde jel kúsheiedi, jyldamdyǵy sekýndyna 23-28 metrge deiin jetedi. Jambyl oblysynyń kei jerlerinde burqasyn, tuman bolady, jel 15-20, ekpini sekýndyna 23 metrge deiin kúsheiýi kútiledi. Almaty oblysynyń Alakól kólderinde jeldiń ekpini sekýndyna 18-23 metr bolyp, túnde kei jerlerinde tuman túsedi", - dep eskertti mamandar.
Sonymen qatar, Qaraǵandy, Shyǵys Qazaqstan oblystarynyń kei jerlerinde tuman túsip, jel kúsheiedi. Atyraý, Aqtóbe oblystarynyń da kei jerlerinde túnde jel kúsheiedi. Pavlodar, túnde Almaty oblysynyń kei jerlerinde tuman bolady. Soltústik Qazaqstan, túnde Mańǵystaý jáne Aqmola oblystarynyń kei jerlerinde jel kúsheiip, jyldamdyǵy sekýndyna 15-20 metrge jetedi. Qostanai, Pavlodar oblystarynyń kei jerlerinde tuman kútiledi.
