Zańger, qoǵam belsendisi Marat Bashimov Memleket basshysynyń beineúndeýine qatysty pikir bildirdi, dep habarlaidy Baq.kz agenttigi.
"Prezidenttiń búgingi beineúndeýi – tarihi oqiǵa. Óitkeni 27 jyl referendým bolmaǵanyn endi túsindik. Al Konstitýtsiiada halyq biliktiń iesi dep jazylǵan. Halyqtyń referendým arqyly óz pikirin aitqany demokratiianyń eń joǵarǵy maqsaty dep bilemin. Endi halyq jariialanǵan suraqtarmen jaqsyraq tanysady. Referendýmǵa keledi, bastamalardy da qoldaidy dep senemin", – deidi ol.
Marat Bashimov saiasi júieni ózgertýden kóp úmit kútetinin jetkizdi. Sondai-aq konstitýtsiialyq reformalardyń onyń oiynsha eń mańyzdylaryn atap ótti.
"Azamattardyń quqyqtaryn qorǵaýǵa, olardyń ómirleri men áleýmettik jaǵdailaryna osy ózgerister óziniń oń nátijesin beredi. Konstitýtsiialyq sot jumysynyń jandanýy, azamattardyń memleketti basqarýy, ádiletti qoǵam qurylyp, tiimdi memleket bolý óte mańyzdy. Sondyqtan prezidenttiń aitqanyna qosylyp, bastamalaryn qoldap otyrmyn", – dedi zańger.
Aita ketý kerek, Qasym-Jomart Toqaev qazirgi reformanyń ereksheligi memleketti prezidenttiń ókilettigin kúsheitpei jetildirý men nyǵaitý ekenin aitty. Sondyqtan Memleket basshysy sóz sońynda eldiń erteńi men urpaq keleshegi úshin referendýmǵa qatysýǵa shaqyrdy.
