Qyzylorda oblysynda 27 jastaǵy jigit kórshisiniń bank qosymshasyndaǵy aqshasyn óziniń shotyna aýdaryp alǵan, dep habarlaidy "Ult aqparat".
Qyzylordada 27 jastaǵy jigit kórshisiniń senimin paidalanyp, onyń depozittik shotynan 304 myń teńgeni óz shotyna aýdaryp alǵan. Kórshisi odan óziniń depozittik shotyn banktiń mobildik qosymshasy arqyly tekserip berýdi suraǵan.
«Bir aidan keiin jábirlenýshi shotta aqshanyń joqtyǵyn baiqap, Qyzylorda qalasynyń Politsiia basqarmasyna aryzdanǵan. Politsiia qyzmetkerleri kúdiktini ustap, ol óz kinásin tolyq moiyndady. Atalǵan derek boiynsha QR Qylmystyq kodeksiniń 190-babynyń 2-bóligi (Alaiaqtyq) boiynsha sotqa deiingi tergeý amaldary júrgizilýde», - dep málim etti Qyzylorda oblystyq Politsiia departamentiniń baspasóz qyzmetinen.
