Búgin Májilistiń jalpy otyrysynda depýtattar Úkimettiń jáne Esep komitetiniń 2019 jylǵy respýblikalyq biýdjettiń atqarylýy týraly esepterin qarady, dep habarlaidy "Ult aqparat" Májilistiń baspasóz qyzmetine silteme jasap.
Májilis tóraǵasy Nurlan Nyǵmatýlin atap ótkendei, bólingen jáne jumsalǵan biýdjet qarjysy halqymyzdyń ál-aýqatyn arttyrýǵa baǵyttalyp, naqty áleýmettik-ekonomikalyq máselelerdi sheshýi kerek. Byltyr jalpy ishki ónim ósimi 4,5% qurap, syrtqy saýda ainalymy 97 mlrd dollarǵa jetti. 2,7 mln qazaqstandyqtyń eńbekaqysy ósti.
«Nurly jol», «Nurly jer» memlekettik baǵdarlamalaryn júzege asyrý jáne aimaqtardy damytýda 13 mln sharshy metrden astam turǵyn úi salýǵa múmkindik berdi.
«Memleket basshysy Qasym-Jomart Toqaev elimizdiń 2019 jylǵy áleýmettik-ekonomikalyq damý qorytyndylary boiynsha Úkimettiń keńeitilgen otyrysynda atap kórsetkendei, bul «Nur Otan» partiiasynyń sailaý aldyndaǵy baǵdarlamany jáne halyqqa Joldaýdy júzege asyrý úshin Úkimet pen Parlamenttiń úilesimdi atqarǵan jumysy», - dedi Májilis tóraǵasy.
Sonymen birge, Nurlan Nyǵmatýlinniń pikirinshe, talqylaý qorytyndylary el basshylyǵynyń ekonomikany túbegeili reformalaý baǵdarlamasyn jasaý qajettiligi týraly nusqaýlary negizinde qarastyrylýy kerek. Túbegeili ózgeristi, memleket qarjylarynyń maqsatsyz jumsalýy talap etip otyr.
Otyrys barysynda Ulttyq qordan bólinetin qarajat máselesi qaraldy. Atap aitqanda, depýtattar Ulttyq qordan maqsatty transfertke bailanysty joǵary oqý oryndarynda josparlanǵan kovorking aimaǵyn ashý máselesin kóterdi.
Májilis depýtattarynyń aitýynsha, 2019 jyly bul maqsattarǵa 663 million teńge bólingen. Alaida, bul qarajattardyń igerilmeýi 100 paiyzdy qurady.Úkimet esebinde munyń sebebi qarjylandyrýdyń basqa kózderin paidalaný múmkindigine bailanysty osy qarajatqa suranystyń bolmaýymen túsindiriledi. Osy jaiynda, Májilis tóraǵasy N.Nyǵmatýlin Ulttyq qordyń qarjysyn shashýǵa bolmaitynyn, onyń árbir tiyny qatań baqylaýda bolyp, ol qarjylardy erekshe jaǵdailarǵa ǵana paidalaný qajettigin aitty. Sondai-aq, talqylaý barysynda álemdik daǵdarys jaǵdaiyndaǵy áleýmettik-ekonomikalyq damý máselelerin sheshýdiń jańa tásilderine degen qajettilik týraly aityldy.
«Memlekettik biýdjettiń tiimdi bolýy – tek ǵana bólingen jáne igerilgen qarajatqa bailanysty emes. Ol qarjylardyń barlyǵy naqty ekonomikalyq-áleýmettik máselelerdi sheship, halqymyzdyń ómir sapasyn arttyrýǵa yqpal etý kerek. Bul Memleket basshysy Qasym-Jomart Toqaev Qazaqstan halqyna Joldaýynda da alǵa qoiǵan negizgi mindetterdiń biri. Sondyqtan, biýdjettiń árbir tiyny qaida jáne qandai maqsatqa jumsalǵany aldaǵy ýaqytta da depýtattyq korpýstyń baqylaýynda bolady», - dedi Nurlan Nyǵmatýlin.
