13 mamyrdaǵy jaǵdai boiynsha 2,7 mln-nan astam qazaqstandyq tótenshe jaǵdai rejimi kezeńinde tabysynan aiyrylýyna bailanysty Memlekettik áleýmettik saqtandyrý qorynan (MÁSQ) 42 500 teńge mólsherinde ekinshi tólem aldy, dep habarlaidy QR Eńbek jáne halyqty áleýmettik qorǵaý ministrliginiń baspasóz qyzmeti.
Buǵan deiin habarlaǵandai, tólemdi esepteý úshin alǵashqy ai retinde 16 naýryzdan bastap 15 sáýir aralyǵy alynady. Qazirgi tótenshe jaǵdai boiynsha ekinshi ai 16 sáýirden 11 mamyrǵa deiin.
Joǵaryda aitylǵandarǵa sáikes, 16 sáýirge deiin ótinish bergen azamattar (áleýmettik járdemaqylar taǵaiyndaý qashan jasalǵanyna qaramastan), tótenshe jaǵdai kezinde tabysynan aiyrylýyna bailanysty Memlekettik áleýmettik saqtandyrý qorynan tólemder taǵaiyndaý erejesinde kórsetilgen sharttardy saqtai otyryp, «42 500 teńge» tólemge ekinshi aida úmitker bola alady. 16 sáýirden bastap 11 mamyr kúni saǵat 18.00-ge deiin ótinish bergen azamattar bir ret tólem alýǵa úmitker bola alady.
Esterińizge sala keteiik, tótenshe jaǵdai rejiminiń toqtatylýyna bailanysty 2020 jylǵy 11 mamyrda saǵat 18.00-den bastap «42 500 teńge» tólemin taǵaiyndaýǵa jańa ótinishterdi qabyldaý aiaqtaldy.
Joǵaryda kórsetilgen merzimge deiin kelip túsken barlyq ótinishter belgilengen tártippen qaralatyn bolady jáne ótinish tótenshe jaǵdai kezinde tabysynan aiyrylýyna bailanysty MÁSQ-tan tólemder taǵaiyndaý qaǵidalarynda kórsetilgen sharttarǵa sáikes kelgen jaǵdaida «42 500 teńge» áleýmettik tólem taǵaiyndalady jáne tólenedi.
Buryn berilgen ótinishti qaraý mártebesin 42500.enbek.kz saitynda bilýge bolady.
«42 500 teńge» tólemi engizilgen sátten bastap ony 4,5 mln adam aldy.
