Osydan 8 jyl buryn 25 jeltoqsan kúni Túrkistan oblysynda ushaq apatynan 27 áskeri qyzmetshi qaza bolǵan edi. Búgin QR Ulttyq qaýipsizdik komiteti Shekara qyzmetiniń barlyq aýmaqtyq bólimshelerinde áriptesterin eske alýǵa arnalǵan sharalar ótti, dep habarlaidy "Ult aqparat"..
UQK Shekara qyzmeti Túrkistan oblysy boiynsha departamenti qyzmetkerleriniń bastamasymen ushaq apaty bolǵan orynǵa memorialdy taqta ornatyldy.
Memorial basynda marqum bolǵan áriptesterdiń qurmetine duǵa-tilekter baǵyshtalyp, gúl shoqtary qoiyldy.
«2012 jyldyń 25 jeltoqsany kúni memleketimizde qaraly kún jariialanǵan edi. Qystyń qytymyr kúninde el astanasynan Shymkent qalasyna bet alǵan QR UQK Shekara qyzmetiniń AN-72 áskeri ushaǵy apatqa ushyrady.
Sairam aýdany Tassai eldi mekeni mańynda oryn alǵan ushaq apatynan 27 adam qaza tapty. Bul táýelsiz el tarihynda bolǵan eń iri qaiǵyly oqiǵa edi», - dedi QR UQK Shekara qyzmetinen.
