sýret ashyq derekkózden alyndy
QR Tótenshe jaǵdailar ministri Iýrii Ilin sý tasqynynyń aldyn alý úshin qandai sharalar júrgizilgenin baiandady, dep habarlaidy QazAqparat agenttigi.
«Sý tasqyny jaǵdaiynyń qolaisyz damýy kezinde sý basý aimaǵynda 255 eldi meken bolýy múmkin, bul - 127 myńnan astam úi jáne 700 myńnan astam azamat», - dedi ministr Úkimettiń búgingi otyrysynda.
Onyń aitýynsha, 2023 jylǵy sý tasqyny kezeńinen qaýipsiz ótýge daiyndyq aiasynda biliktiń barlyq deńgeiinde úlken jumys júrgizildi.
«Ońtústik aimaqtarda qar erýiniń bastalýyna sanaýly kún qaldy. Qazir barlyq kúsh-jiger aldyn alý sharalary men sý tasqynyna daiyndyqqa baǵyttalǵan. Biylǵy eki aida 15,1 shaqyrym ýaqytsha bógen salyndy, 24 shaqyrymǵa jýyǵy jóndeldi, 16 shaqyrymnan astam ýaqytsha bógen, sondai-aq eldi mekenderdiń ainalasynda 41 shaqyrym bilik turǵyzyldy», - dedi spiker.
Sonymen birge 5 myń shaqyrymǵa jýyq kanaldar men aryqtar, avtomobilder jáne temir joldar astynda 8,5 myńnan astam sý ótkizý qurylystary tazartyldy.
Halyqpen 2 myńnan astam jiyn ótkizildi, 55 myńnan astam usynym taratylǵan.
«Biyl sý tasqyny qardyń kóp bolýyna jáne topyraq qabatynyń qatty tońazýyna bailanysty aýqymdy bolatyn túri bar. Óńirlerde tótenshe jaǵdailardyń aldyn alý jáne olardy joiý jónindegi oblystyq, qalalyq jáne aýdandyq komissiialardyń 114, onyń ishinde 31 jospardan tys otyrysy ótkizildi. Politsiia bólimshelerimen birlesip, eldi meken aýmaqtaryn abattandyrý qaǵidalaryn buzý faktilerin anyqtaý boiynsha reidtik sharalar bastaldy jáne júrgizilýde, bul drenajdyq jáne aryq júielerin ustaý, qar shyǵarý, adamdardy ákimshilik jaýapkershilikke tartý», - dedi Iýrii Ilin.
