سۋرەت اشىق دەرەككٶزدەن الىندى
قر تٶتەنشە جاعدايلار مينيسترٸ يۋريي يلين سۋ تاسقىنىنىڭ الدىن الۋ ٷشٸن قانداي شارالار جٷرگٸزٸلگەنٸن باياندادى, دەپ حابارلايدى قازاقپارات اگەنتتٸگٸ.
«سۋ تاسقىنى جاعدايىنىڭ قولايسىز دامۋى كەزٸندە سۋ باسۋ ايماعىندا 255 ەلدٸ مەكەن بولۋى مٷمكٸن, بۇل - 127 مىڭنان استام ٷي جەنە 700 مىڭنان استام ازامات», - دەدٸ مينيستر ٷكٸمەتتٸڭ بٷگٸنگٸ وتىرىسىندا.
ونىڭ ايتۋىنشا, 2023 جىلعى سۋ تاسقىنى كەزەڭٸنەن قاۋٸپسٸز ٶتۋگە دايىندىق اياسىندا بيلٸكتٸڭ بارلىق دەڭگەيٸندە ٷلكەن جۇمىس جٷرگٸزٸلدٸ.
«وڭتٷستٸك ايماقتاردا قار ەرۋٸنٸڭ باستالۋىنا ساناۋلى كٷن قالدى. قازٸر بارلىق كٷش-جٸگەر الدىن الۋ شارالارى مەن سۋ تاسقىنىنا دايىندىققا باعىتتالعان. بيىلعى ەكٸ ايدا 15,1 شاقىرىم ۋاقىتشا بٶگەن سالىندى, 24 شاقىرىمعا جۋىعى جٶندەلدٸ, 16 شاقىرىمنان استام ۋاقىتشا بٶگەن, سونداي-اق ەلدٸ مەكەندەردٸڭ اينالاسىندا 41 شاقىرىم بٸلٸك تۇرعىزىلدى», - دەدٸ سپيكەر.
سونىمەن بٸرگە 5 مىڭ شاقىرىمعا جۋىق كانالدار مەن ارىقتار, اۆتوموبيلدەر جەنە تەمٸر جولدار استىندا 8,5 مىڭنان استام سۋ ٶتكٸزۋ قۇرىلىستارى تازارتىلدى.
حالىقپەن 2 مىڭنان استام جيىن ٶتكٸزٸلدٸ, 55 مىڭنان استام ۇسىنىم تاراتىلعان.
«بيىل سۋ تاسقىنى قاردىڭ كٶپ بولۋىنا جەنە توپىراق قاباتىنىڭ قاتتى توڭازۋىنا بايلانىستى اۋقىمدى بولاتىن تٷرٸ بار. ٶڭٸرلەردە تٶتەنشە جاعدايلاردىڭ الدىن الۋ جەنە ولاردى جويۋ جٶنٸندەگٸ وبلىستىق, قالالىق جەنە اۋداندىق كوميسسييالاردىڭ 114, ونىڭ ٸشٸندە 31 جوسپاردان تىس وتىرىسى ٶتكٸزٸلدٸ. پوليتسييا بٶلٸمشەلەرٸمەن بٸرلەسٸپ, ەلدٸ مەكەن اۋماقتارىن اباتتاندىرۋ قاعيدالارىن بۇزۋ فاكتٸلەرٸن انىقتاۋ بويىنشا رەيدتٸك شارالار باستالدى جەنە جٷرگٸزٸلۋدە, بۇل درەناجدىق جەنە ارىق جٷيەلەرٸن ۇستاۋ, قار شىعارۋ, ادامداردى ەكٸمشٸلٸك جاۋاپكەرشٸلٸككە تارتۋ», - دەدٸ يۋريي يلين.
