Қазақстан Тәуелсіздігіне 25 жыл

25 jyl boiy izdeýde júrgen reseilik áiel Qazaqstanda ustaldy

25 jyl boiy izdeýde júrgen reseilik áiel Qazaqstanda ustaldy


Qazaqstanda 25 jyl boiy memleketaralyq izdeýde júrgen Resei azamaty ustaldy, - dep habarlaidy Tengrinews.kz.

Bul týraly Kóliktegi politsiia basqarmasynyń bastyǵy Ońal Bekiev málimdedi.

Onyń aitýynsha, 9-18 naýryz aralyǵynda "Izdeý" jáne "Migrant" jedel-profilaktikalyq is-sharalary júrgiziledi. Jeti kún ishinde izdeýde júrgen 11 qylmysker ustalǵan, onyń ishinde 10-y TMD elderiniń quqyq qorǵaý organdary izdeýinde.

"10 naýryzda Sátbaev qalasynda departamenttiń Kriminaldyq politsiia basqarmasy men "Qaraǵandy-Sortirovochnaia" stantsiiasyndaǵy jelilik politsiia bóliminiń qyzmetkerleri 56 jastaǵy Resei Federatsiiasynyń azamatyn ustady. Ol asa aýyr qylmys jasady degen kúdikke ilingen jáne 25 jyl boiy tergeýden jasyrynyp kelgen", - dedi Bekiev.

Ustalǵan azamat Cheliabi oblysy boiynsha Resei Ishki ister ministrliginiń izdeýinde júrgeni anyqtaldy. 1997 jyldan beri ol Resei Federatsiiasy Qylmystyq kodeksiniń 105-baby 1-bóliginde kózdelgen qylmysty jasady degen kúdikpen ("Adam óltirý") memleketaralyq izdeýde bolǵan. Oǵan qatysty ekstraditsiia máselesi sheshilip jatyr.